ߣߝߊ߬ߖߌ߫ ߛߏ߬ߙߌ߬ ߞߐ߲ߘߍ߫:
ߐ߲߬ߤߐ߲߫ ߊ߲ ߧߋ߫ ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲ ߠߋ߬ ߟߊ߫ ߕߋ߲߬ ߸ ߊߟߊ߫ ߟߋ߬ ߞߵߊ߲ߠߎ߬ ߒߞߏ ߞߊߙߊ߲ߠߊ ߟߎ߫ ߤߊ߬ߙߌ߬ߖߍ߯ ߞߊ߬ߙߊ߲߬ߡߐ߯ ߛߟߏ߬ߡߣߊ߬ ߞߊ߲ߕߍ߫ ߟߊ߫ ߓߊ߯ߙߊ ߟߎ߬ ߟߊ߫. ߏ߬ ߓߟߏߡߊ߬ ߊ߲ ߘߌ߫ ߛߋ߫ ߡߍ߲ ߝߐ߫ ߟߴߊ߲ ߓߊߘߋ߲ ߠߎ߬ ߢߍ߫ ߏ߬ ߟߋ߬ ߞߏ߫ ߘߎߢߊ߫ ߘߐߕߍ߮ ߕߍ߫ ߘߏ߫ ߜߘߍ߫ ߘߌ߫ ߘߐ߬ߖߊ ߞߐ߫ ߸ ߣߴߏ߬ ߕߍ߫ ߕߌ߲ߞߌ ߡߍ߲ ߠߎ߫ ߦߋ߫ ߞߍ߫ ߟߴߊ߲ߠߎ߬ ߝߘߊ߬ߝߌ߲߬ߘߋ߲ ߠߎ߬ ߢߍ߫ ߒ ߡߊ߫ ߟߴߊ߬ ߟߊ߫ ߣߴߏ߬ ߢߐ߲߰ ߠߎ߬ ߘߌ߫ ߞߍ߫ ߛߌߦߊ߫ ߜߘߍ߫ ߟߎ߫ ߢߍ߫ ߸ ߊ߲ ߞߋ߲߬ߟߋ߲߬ߞߋߟߋ߲ ߡߍ߲ ߦߋ߫ ߣߌ߲߬ ߸ ߘߎߓߊ ߡߍ߲ ߞߍ߫ ߘߴߊ߲ ߢߍ߫ ߏ߬ ߕߍ߫ ߞߟߐ߬ߞߟߐ ߘߌ߫، ߊ߲ ߕߍ߫ ߦߊ߲߬ ߘߋ߬ ߞߊ߬ ߕߌ߲ߞߌ ߟߊߜߊ߬ߛߌ߬ ߟߊ߫ ߟߋ߬ ߸ ߓߊ߬ߙߌ߬ ߕߌ߲ߞߌ ߞߊ߫ ߞߊ߲߫ ߞߊ߬ ߟߊ߫ ߘߐ߬ߖߊ ߟߋ߬ ߞߊ߲߬. ߊ߲ ߧߋ߫ ߊ߲ ߢߐ߲߯ ߠߊߞߎߣߎ߲߫ ߠߊ߫ ߝߣߊ߫ ߸ ߓߊߏ߬ ߌ ߘߌ߫ ߛߋ߫ ߞߊ߬ ߞߎߡߊ ߘߏ߫ ߝߐ߫ ߒߞߏ ߞߊߙߊ߲ߘߋ߲ ߠߎ߬ ߢߍ߫ ߤߊ߲ߞߟߌ߫ ߖߊ߯ߓߐ ߘߐ߫ ߥߘߋ߬ߥߘߋ߬ߟߌ ߓߟߏߡߊ߬ ߸ ߞߵߊ߬ ߕߘߍ߬ ߞߎߡߊ ߛߎ߮ ߏ߬ ߟߎ߬ ߡߊ߲߫ ߞߊ߲߫ ߞߊ߬ ߝߐ߫ ߦߌߟߊ߫ ߜߘߍ߫ ߟߎ߫ ߘߐ߫. ߊ߲ ߧߴߊ߲ ߘߐߖߊ߬ ߞߊ߬ ߞߏߕߍߓߊ߲߫ ߠߊ߫ ߞߎߡߊ ߟߎ߬ ߢߊߦߋ߫. ߒߠߋ ߝߣߊ߫ ߘߌ߫ ߛߋ߫ ߡߍ߲ ߟߊ߫ ߟߴߊ߬ߟߋ ߕߊ ߏ߬ ߟߎ߫ ߞߊ߲߬ ߸ ߊ߲ ߞߏ߬ߣߌ߲ ߞߊ߫ ߞߊ߲߫ ߞߵߊ߬ ߟߐ߲߫ ߞߏ߫ ߘߎߢߊ߫ ߘߐߕߍ߮ ߣߌ߲߬ ߘߐ߫ ߝߘߊ߬ߝߌ߲ ߠߋ߬ ߓߍ߯ ߞߊ߬ߙߊ߲߬ߡߐ߰ ߘߌ߫ ߛߏߡߐ߯ߦߊ ߘߐ߫ ߸ ߛߟߏ߬ߡߣߊ߬ ߞߊ߲ߕߍ߫ ߖߍ߬ߘߍ ߟߋ߬ ߞߵߏ߬ ߝߐ߫ (ߊ.ߘ).
ߝߣߊ߫ ߝߘߊ߬ߝߌ߲ ߠߋ߬ ߓߍ߯ ߞߊ߬ߙߊ߲߬ߡߐ߰ ߘߌ߫ ߘߌߣߊ ߘߐ߫ ߸ ߝߘߊ߬ߝߌ߲ ߠߋ߬ ߓߍ߯ ߞߊ߬ߙߊ߲߬ߡߐ߰ ߘߌ߫ ߛߓߍߟߌ ߘߐ߫ ߸ ߝߘߊ߬ߝߌ߲ ߠߋ߬ ߓߍ߯ ߞߊ߬ߙߊ߲߬ߡߐ߰ ߘߌ߫ ߛߋߒߞߏߟߊߘߐߦߊ ߘߐ߫. ߏ߬ ߟߋ ߖߍ߬ߘߍ ߞߏߛߐ߲߬ ߸ ߊ߲ ߞߊ߫ ߞߊ߲߫ ߠߋ߬ ߞߵߊ߲ ߓߋ߲ߓߊ߫ ߟߎ߫ ߝߏ߬ ߟߋ߬ ߞߵߊ߬ߟߎ߬ ߞߏߢߌߡߊߟߐ߲߫. ߡߎ߲߬ ߘߐ߫ ؟ ߸ ߓߊ ߘߎߢߊ ߛߌ߰ߣߍ߲߫ ߞߊ߬ߞߎ߬ߘߊ߬ߦߊ ߝߋ߲ ߺ ߋ ߺ ߝߋ߲߫ ߞߎ߲߬ߠߊ߬ ߣߌ߲߬ ߏ߬ ߟߎ߬ ߓߍ߯ ߖߎ߬ߕߍ߰ߣߍ߲߫ ߝߘߊ߬ߝߌ߲߬ߠߊ߫ ߟߋ߬، ߛߐ߬ߛߐ߬ߟߌ ߕߘߍ߬ ߊ߬ ߘߐ߫ ߝߟߐ߫ ߞߏ߬ߣߌ߲߬ ߓߌ߬ ߛߐ߬ߛߐ߬ߟߌ߫ ߛߌ߫ ߕߴߊ߬ ߘߐ߫. ߏ߬ ߟߋ߬ ߞߏߛߐ߲߬ ߞߏ߫ ߛߌ߫ ߡߊ߲߫ ߞߊ߬ ߥߙߊ߬ ߊ߲ߠߎ߬ ߒߞߏ ߞߊߙߊ߲ߘߋ߲ ߠߎ߬ ߤߊ߲ߞߟߌ ߡߊ߬ ߸ ߊ߲ ߞߊ߫ ߞߊ߲߫ ߠߋ߬ ߞߵߊ߲ ߤߊ߲ߞߟߌ ߖߊ߯ߓߐ߫ ߸ ߣߌ߫ ߒ ߡߊ߫ ߢߌ߬ߣߊ߲߬ ߞߏߕߍߓߊ߲߫ ߞߊ߬ߡߙߊ߫ ߟߊ߫ ߞߎߡߊ ߘߏ߫ ߦߴߦߋ߲߬ ߞߏ߫ ߊߟߊ߫ ߕߍ߫ ߘߌ߯ߣߊ߫ ߘߐ߫ ߸ ߕߎ߬ߢߊ ߖߍ߬ߘߍߖߍ߬ߘߍ ߟߋ߬ ߞߎߡߊ ߏ߬ ߘߌ߫ ߸ ߊߟߊ߫ ߕߍ߫ ߘߌ߯ߣߊ߫ ߘߐ߫ ߓߊ߬ߙߌ߬ ߊ߬ ߟߊ߫ ߘߊ߲ߝߋ߲ ߠߎ߬ ߟߋ߬ ߘߌ߯ߣߊ ߘߐ߫. ߓߊ ߣߴߊ߬ߟߋ ߖߍ߬ߘߍ ߞߍ߫ ߘߊ߫ ߘߌ߯ߣߊ ߘߐ߫ ߊ߬ߟߋ ߞߍߕߐ߫ ߖߐ߲߫ ߥߟߊ߫ ߡߋ߬ߘߋ ߟߋ߬ ߓߊ߬ߕߏ߬ ߟߊ߫ ؟ ߸ ߝߏߦߌ߬ ߸ ߏ߬ ߞߘߐ ߡߎ߬ߕߎ߲߬ ߛߊ߫ ߞߵߊ߬ߟߋ ߖߍ߬ߘߍ ߦߋ߫ ߘߌ߯ߣߊ ߞߐߡߊ߬ ߟߋ߬ ߸ ߘߊ߲ߝߋ߲ ߠߎ߫ ߟߋ߬ ߘߌ߯ߣߊ ߘߐ߫. ߘߌ߯ߣߊ ߝߣߊ߫ ߓߍ߯ ߟߊߘߊ߲ߣߍ߲߫ ߠߋ߬ ߸ ߏ߬ ߞߊߣߵߊ߲ ߥߙߵߊ߲ ߤߊ߲ߞߟߌ ߡߊ߬ ߸ ߊ߬ ߘߏ߲߬ ߸ ߕߐ߬ߣߐ ߖߍ߬ߘߍߖߍ߬ߘߍ ߟߋ߬ ߘߌ߯ߣߊ ߟߊ߫ ߸ ߓߴߊ߬ ߟߊߥߟߌ߬ߣߍ߲߫ ߠߋ߬ ߥߟߊߞߏ߫ ߡߐ߰ߦߊ ߘߌ߫ ߛߋ߫ ߟߊߛߓߊ߬ߕߌ߬ ߟߊ߫ ߞߊ߬ ߘߎߢߊ ߛߌ߱ ߟߊߣߐ߰ߦߴߊ߲ ߓߟߏ߫ ߢߊ ߡߍ߲.
ߏ߬ ߘߐ߫ ߣߊ߯ߡߎ߲ ߝߊ߲߭ ߦߋ߫ ߞߎ߬ߙߎ߲߬ߘߎ ߟߋ߬ ߘߌ߫ ߸ ߏ߬ ߟߋ ߡߊ߬ ߣߴߊ߲ ߞߵߊ߬ ߝߐ߫ ߞߏ߫ ߝߘߊ߬ߝߌ߲ ߠߋ߬ ߓߍ߯ ߞߊ߬ߙߊ߲߬ߡߐ߲߮ ߘߌ߫ ߞߏ ߓߍ߯ ߘߐ߫ ߊ߬ ߣߌ߫ ߘߌ߯ߣߊ ߟߎ߬ ߝߣߊ߫ ߘߐ߫ ߸ ߓߊ ߣߴߊ߲ ߞߵߊ߬ ߘߐߥߘߋ߬ߥߘߋ߬ ߞߏߢߊ߬ ߸ ߊ߲ ߘߴߊ߬ ߦߋ߫ ߊ߲ ߧߋ߫ ߌߓߎ߬ߙߊ߬ߤߌ߰ߡߊ߬ ߘߌ߯ߣߊ ߡߍ߲ ߘߐ߫ ߣߌ߲߬ ߣߊߟߌ߬ߡߎ߲߫ ߌߛߟߊߞߦߊ ߣߌ߫ ߖߘߍ߬ߞߟߏ߬ߦߊ ߘߌ߫ ߸ ߣߌ߲߬ ߣߊ߯ߡߎ߲߫ ߞߊߙߊ߲ߡߐ߮ ߓߍ߯ ߕߐ߮ ߜߊ߬ߛߌ߬ߣߍ߲߫ ߡߌߛߌ߬ߙߊ߲߫ ߠߋ߬ ߟߊ߫، ߣߴߊ߲ ߞߊ߬ ߟߊߒߡߊ ߕߊ߬ ߌߓߎ߬ߙߊ߬ߤߌ߯ߡߊ߫ ߡߊ߬ ߸ ߊ߰ ߝߐ߫ ߟߊ߫ ߞߏ߫ ߗߍ߭ ߟߊ߫ ߞߐ߬ ߘߐ߬ ߓߌߟߊ ߥߟߴߊ߬ ߟߊ߫ ߞߣߍߞߍ ߞߴߏ߬ ߦߋ߫ ߟߊ߬ߝߐ߬ߓߊ߮ ߌߓߎ߬ߙߊ߬ߤߌߡߊ߫ ߟߊ߫ ߛߎߣߊ ߟߋ߬ ߘߌ߫ ߸ ߊߙߊߓߎ ߟߎ߫ ߞߏ߬ߣߌ߲ ߖߏ ߦߴߊ߬ ߝߐ ߘߐ߫ ߞߏ߫ ߌߓߎ߬ߙߊ߬ߤߌ߯ߡߊ߫ ߟߊ߫ ߛߎߣߊ ߟߋ߬، ߓߊ߬ߙߌ߬ ߊ߲ߠߎ߬ ߝߘߊ߬ߝߌ߲ ߠߎ߬ ߕߍ߫ ߛߋ߫ ߟߴߊ߬ ߝߐ߫ ߟߊ߫ ߞߏ߫ ߌߓߎ߬ߙߊ߬ߤߌ߯ߡߊ߫ ߟߊ߫ ߛߎߣߊ ߟߋ߬ ߸ ߓߴߊ߬ ߓߐߣߴߊ߬ ߘߌ߫ ߝߘߊ߬ߝߌ߲߬ߠߊ ߟߋ߬. ߦߏ߫ ߊ߬ߟߋ ߥߊ߫ ߘߴߊ߬ ߘߌ߫ ߊߙߊߓߎ ߟߎ߬ ߣߌ߫ ߦߊ߬ߤߎ߯ߘߎ ߟߎ߫ ߡߊ߬ ߸ ߏ߬ ߟߎ߬ ߖߏ ߦߴߊ߬ ߝߐ ߘߐ߫ ߞߏ߫ ߌߓߎ߬ߙߊ߬ߤߌ߯ߡߊ߫ ߟߊ߫ ߛߎߣߊ ߟߋ߬ ߓߴߊ߬ߟߎ߫ ߞߵߊ߬ ߦߋ߫ ߊ߬ߟߋ ߟߋ߬ ߟߊ߫. ߓߊ߬ߙߌ߬ ߌߓߎ߬ߙߊ߬ߤߌ߯ߡߊ߫ ߞߍ߫ ߘߴߊ߬ ߞߏ ߞߊ߬ߟߊߡߊ߬ ߊߝߙߌߞ ߦߊ߲߬ ߠߋ߬. ߏ߬ ߘߐ߫ ߞߊ߬ ߗߍ߭ ߟߊߛߎߣߊ߫ ߏ߬ ߘߊߡߌ߬ߣߊ߬ߣߍ߲߫ ߝߘߊ߬ߝߌ߲߬ߠߊ ߦߊ߲߬ ߠߋ߬. ߝߘߊ߬ߝߌ߲ ߠߋ߬ ߞߊ߬ ߦߊ߬ߤߎ߬ߘߌߦߊ ߞߊ߬ߙߊ߲߬ ߏ߬ ߟߊ߫ ߸ ߦߊ߬ߤߎ߬ߘߌߦߊ ߝߣߊ߫ ߞߵߊߙߊߓߎ ߞߊ߬ߙߊ߲߬ ߏ߬ ߟߊ߫.
ߏ߬ ߓߟߏߡߊ߬ ߸ ߣߴߌ ߞߊ߬ ߓߊ߬ߕߏ ߝߣߊ߫ ߕߊ߬ ߸ ߡߊ߰ߙߌ߬ ߥߙߍ߬ ߓߊߕߏ ߓߊ߬ ߸ ߡߊ߰ߙߌ߬ ߞߋ߬ߟߋ߲߬ ߓߊߕߏ ߓߊ߬ ߸ ߝߘߊ߬ߝߌ߲ ߠߋ߬ ߞߊ߬ ߣߌ߲߬ ߓߍ߯ ߘߊߡߌ߬ߣߊ߬، ߞߵߊ߬ ߝߐ߫ ߞߏ߫ ߕߌ߰ ߜߘߍ߫ ߕߍ߫ ߝߏ߫ ߞߋߟߋ߲߫ ߔߋ߫ ߸ ߝߘߊ߬ߝߌ߲ ߟߋ߬ ߣߵߏ߬ ߘߊߡߌ߬ߣߊ߬ ߟߊ߫. ߡߍ߲ ߣߐ߬ ߞߏ߫ ߛߌߦߊߡߊ߲߫ ߢߊߞߍ߫ ߟߴߊ߲ ߓߟߏ߫ ߸ ߊ߲ ߞߊ߬ ߥߊߟߌ߫ ߟߐ߲ߠߌߦߊ ߟߋ߬ ߕߊ߬ ߟߊ߫ ߞߵߊ߲ ߓߋ߲ߓߊ߫ ߟߎ߬ ߞߕߌ߫ ߏ߬ ߘߌ߫ ߸ ߞߏߕߍߓߊ߲߫ ߞߊ߬ ߖߏ߬ߞߵߏ߬ ߟߋ߬ ߢߊߝߐ߫ ߕߋ߲߬. ߖߏ߭ ߕߍ߫ ߝߋ߲ߖߎ߯ ߘߌ߫ ߘߋ߬ ߸ ߞߏ ߡߍ߲ ߞߍߕߐ ߖߏ߭ ߟߊ߫ ߸ ߏ߬ ߟߵߏ߬ ߞߍ߫ ߟߊ߫ ߞߏ߫ ߓߘߍ ߣߌ߫ ߞߏߖߎ߮ ߘߌ߫. ߝߍ߭ ߦߋ߫ ߡߍ߲ ߘߌ߫ ߊ߲ ߓߊ߯ ߞߴߊ߲ ߠߊ߫ ߖߏ߬ߞߏ ߣߴߊ߲ ߠߊ߫ ߛߏߡߐ߯ߦߊ߫ ߞߏ ߟߎ߬ ߢߊߝߐ߫ ߟߊ߫ ߞߏߕߊ߲߫ ߸ ߊ߲ ߧߋ߫ ߊߙߊߓߎ߫ ߥߊߘߏ ߤߊߡߊ߲߫ ߕߎ߬ߓߊ߬ߓߎ߬ ߥߊߘߏ ߟߋ߬ ߘߏ߲߬ ߠߴߊ߲ ߢߊ ߟߊ߫ ߡߎߣߎ߲߬ ߞߕߊ߬ߕߵߏ߬ ߞߏ ߟߎ߬ ߘߐߛߊߙߌ߫ ߟߊ߫ ߸ ߊ߬ ߣߌ߫ ߞߵߊ߬ߟߎ߬ ߞߕߌ߫ ߥߊߟߌ߫ ߥߊߘߵߏ߬ ߟߎ߬ ߦߋߟߋ߲ ߠߊ߫ ߛߐ߲߬ ߞߘߊߎ߫ ߸ ߡߎ߲߬ ߠߊ߫ ߘߏ߲߬ ߊ߲ ߕߍ߫ ߝߘߊ߬ߝߌ߲߬ ߢߟߊ ߘߏ߲߬ ߠߊ߫ ߞߵߊ߲ ߓߋ߲ߓߊ߫ ߟߎ߫ ߣߐ߬ ߡߊ߬ߞߕߌ߫ ߟߊ߫ ߥߟߊ߫ ߞߵߊ߬ߟߎ߫ ߜߋ߬ߙߋ ߟߎ߬ ߢߊߝߐ߫ ߏ߬ ߘߌ߫ ؟ ߸ ߤߊ߲ߞߟߌ ߟߋ߬ ߘߏ߲߬ ߦߋ߫ ߞߌߢߍ߫ ߞߏ ߓߍ߯ ߘߌ߫. ߟߊߒߡߊ ߘߐ߫ ߊ߲ ߠߊ߫ ߘߟߊ߬ߓߊ ߟߎ߫ ߕߘߍ߬ ߛߐ ߡߍ߲ ߞߍ߫ ߟߊ߫ ߸ ߊ߲ ߞߵߊ߬ ߝߐ߫ ߞߏ߫ ߘߊ߬ߟߊ ߏ߬ ߟߎ߬ ߛߐ ߕߍ߫ ߓߍ߲߬ ߠߊ߫ ߸ ߌߟߋ ߡߊ߫ ߛߐ߲߬ ߞߵߌ ߟߊ߫ ߘߊ߬ߟߊ ߛߐ߫ ߏ߰ ߕߎ߬ߢߊ߬ ߘߌ߫ ߸ ߓߊ߬ߙߌ߬ ߌ ߞߏ߬ߣߌ߲ ߥߊ߫ ߘߊ߫ ߘߏ߫ ߟߎ߬ ߟߊ߫ ߖ߭ߊߡߎ߲ߖ߭ߊߡߎ߲ ߖߌ ߕߊ߬ ߟߊ߫ ߞߊߣߵߏ߬ ߘߌ߫ ߸ ߌߟߋ ߟߊ߫ ߡߐ߰ߓߊ ߟߎ߫ ߞߊ߬ ߖߌ ߡߍ߲ ߟߊߘߊ߲߫ ߞߏ߫ ߊ߬ ߘߌ߫ ߛߋ߫ ߘߊ߲ߘߊߟߌ ߞߍ߫ ߟߊ߫ ߥߟߊ߫ ߞߏ
Kounadi Keita, [25.09.20 14:24]
߫ ߡߐ߬ߟߐ߲ ߘߏ߫ ߦߴߏ߬ ߟߊ߫ ߸ ߌߟߋ ߞߊ߲߫ ߞߏ߫ ߥߎߦߊ ߟߵߏ߬ ߘߌ߫ ߞߏ߫ ߡߐ߬ߟߐ߲߬ ߛߌ߫ ߕߴߏ߬ ߟߊ߫ ߸ ߌ ߞߏ߬ߣߌ߲ ߥߊ߫ ߘߊ߫ ߘߏ ߟߎ߬ ߕߊ ߕߊ߬ ߞߊ߬ ߣߵߏ߬ ߘߌ߫ ߸ ߞߵߊ߬ ߕߘߍ߬ ߘߏ߲߬ ߊ߬ ߖߌ ߓߍ߯ ߦߋ߫ ߘߎߢߊ߫ ߟߋ߬ ߘߐ߫ ߦߊ߲߬ ߓߊߏ߬ ߖߌ߫ ߡߊ߫ ߓߐ߫ ߖߌ߫ ߟߊ߫. ߏ߰ ߘߏ߫ ߘߌ߫. ߊ߬ ߘߏ߫ ߜߘߍ ߡߍ߲ ߘߌ߫: ߤߊߟߌ߬ ߘߌ߯ߣߊ߫ ߞߏ ߘߐ߫ ߊ߲ ߓߋ߲ߓߊ߫ ߟߎ߬ ߓߍ߯ ߕߌ߲߬ ߞߵߊ߬ ߟߐ߲߫ ߞߏ߫ ߡߊ߰ߙߌ߬ ߞߋߟߋ߲ ߦߋ߲߬ ߸ ߓߊ߬ߙߌ߬ ߊ߲ ߓߋ߲ߓߊ߫ ߏ߬ ߟߎ߬ ߟߊ߫ ߘߍ߲߬ߞߣߍ߬ߦߊ ߘߐ߫ ߸ ߞߏ߫ ߡߊ߰ߙߌ ߕߍ߫ ߦߋ߫ ߟߊ߫ ߢߊ ߟߊ߫ ߸ ߊ߬ ߘߏ߲߬ ߕߍ߫ ߛߋ߫ ߡߊߛߐ߬ߘߐ߲߬ ߠߊ߫ ߝߏ߫ ߌ ߦߋ߫ ߕߊ߬ߡߌ߲߬ ߠߊ߫ ߛߎ߲ߞߎ߲ ߠߋ߬ ߝߍ߬ ߞߣߊ߬ߕߏ߫ ߡߊ߰ߙߌ߬ߓߊ߬ ߞߋߟߋ߲ ߏ߬ ߟߊߛߐ߬ߘߐ߲߬ ߠߊ߫. ߘߌ߯ߣߊ ߞߏ߬ߣߌ߲ ߓߍ߯ ߓߊߖߎ ߟߋ߬ ߣߌ߲߬ ߘߌ߫. ߏ߬ ߘߐ߫ ߸ ߊ߲ ߓߋ߲ߓߊ߫ ߟߎ߫ ߟߊ߫ ߘߌ߯ߣߊ ߓߊ߬ ߸ ߌߛߟߊߞߦߊ ߓߊ߬ ߸ ߖߘߍ߬ߞߟߏ߬ ߘߌ߯ߣߊ ߓߊ߬ ߸ ߊ߬ ߓߍ߯ ߦߋ߫ ߕߊ߬ߡߌ߲߬ ߠߊ߫ ߟߋ߬ ߛߎ߲ߞߎ߲ ߠߋ߬ ߝߍ߬ ߞߊ߬ ߊߟߊ߫ ߟߊߛߐ߬ߘߐ߲߬. ߖߊߡߎߖߊߡߎ ߖߌ ߕߍ߫ ߘߏ߫ ߜߘߍ߫ ߘߌ߫ ߸ ߕߎ߬ߢߊ ߦߴߊ߬ ߘߐ߫ ߟߋ߬ ߸ ߓߊ߬ߙߌ߬ ߛߎ߲ߞߎ߲ ߠߋ߬. ߊ߲ ߓߋ߲ߓߊ ߟߎ߬ ߕߊ߬ߡߌ߲߬ ߠߊ߫ ߦߙߌ ߡߍ߲ ߠߎ߫ ߝߍ߬ ߸ ߓߊ ߡߐ߱ ߖߘߍ߬ߞߊߣߌ߲ ߝߣߊ߫ ߦߋ߫ ߛߎ߲ߞߎ߲ ߝߊ߬ߘߌ ߘߏ߫ ߟߋ߬ ߘߌ߫. ߌߞߏߡߌ߲ ߊ߲ ߧߋ߫ ߛߎ߲ߞߎ߲ ߝߊ߬ߘߌ ߘߏ߫ ߟߋ߬ ߘߌ߫ ߸ ߛߎ߲ߞߎ߲ ߏ߬ ߟߋ ߖߍ߬ߘߍ ߝߣߊ߫ ߦߋ߫ ߊߟߊ߫ ߟߊ߫ ߘߊߟߌߝߋ߲ ߘߏ߫ ߟߋ߬ ߘߌ߫. ߓߊ߬ߙߵߌ ߓߊ߯ ߞߍ߫ ߥߊ߫ ߟߴߊߟߊ߫ ߡߊ߬ ߸ ߛߋ߲ߛߋߘߋ߲߫ ߌ ߦߋ߫ ߕߊ߬ߡߌ߲߬ ߠߊ߫ ߛߎ߲ߞߎ߲ ߏ߬ ߟߋ߬ ߝߍ߬. ߏ߬ ߟߋ ߞߏߛߐ߲߬ ߘߌ߯ߣߊ ߓߍ߯ ߞߊߡߊ߲߫. ߟߊߒߡߊ ߘߐ߫ ߊ߲ ߧߋ߫ ߥߊ߫ ߟߊ߫ ߊ߬ߟߌ߬ߞߊ߯ߓߊ߫ ߟߊ߫ ߸ ߡߋ߬ߘߋ ߊ߬ߟߌ߬ߞߊ߯ߓߊ߫ ߟߊ߫ ؟ ߸ ߞߓߊ ߟߋ߬ ߦߋ߲߬ ߸ ߣߴߌߟߋ ߞߊ߲߫ ߘߏ߫ ߟߎ߫ ߡߊ߬ ߞߵߏ߬ ߟߎ߬ ߦߋ߫ ߞߓߊ ߓߊ߬ߕߏ߬ ߟߊ߫ ߸ ߞߏ߬ߞߏ߫ ߛߌ߬ߟߊ߬ߡߊ ߟߎ߬ ߦߋ߫ ߥߊ߫ ߟߊ߫ ߕߊ߬ߥߊߝߎ ߞߍ߫ ߟߊ߫ ߞߓߊ ߡߊ߬ ߦߋ߲߬ ߞߍ߬.
ߓߊ߬ߙߌ߬ ߏ߬ ߕߍ߫ ߖߎ߯ߡߊ߲߫ ߘߌ߫ ߦߋ߬ ߓߊ ߌ ߓߊ߯ ߞߍ߫ ߛߋ߫ ߟߊ߫ ߡߊ߰ߙߌ ߡߊ߬ ߸ ߌ ߦߋ߫ ߕߊ߬ߡߌ߲߬ ߠߊ߫ ߛߎ߲ߞߎ߲ ߠߋ߬ ߝߍ߬. ߒ߬ߞߊ߬ ߝߍ߭ ߡߍ߲ ߞߵߊ߲ߠߎ߬ ߡߊߛߐ߬ߘߐ߲߬ ߠߊ߫ ߸ ߊ߲ߠߎ߬ ߟߋ߬ ߓߘߊ߫ ߜߘߍ ߟߎ߬ ߟߊ߫ ߟߐ߲ߠߌߦߊ߫ ߡߊߞߕߌ߫ ߥߊߘߏ ߘߏ߲߬ ߠߴߊ߲ ߢߊ ߞߵߊ߲ ߕߊ ߟߎ߬ ߡߊߞߕߌ߫ ߏ߬ ߘߌ߫، ߒ߬ߞߊ߬ ߌ ߓߴߌ ߢߊ ߟߥߊ߫ ߓߊ߬ߕߏ ߞߘߐߟߊ ߟߎ߬ ߘߐ߫ ߘߌ߯ߣߓߊ ߝߋ߲ ߺ ߋ ߺ ߝߋ߲߫ ߘߐ߫ ߕߋ߲߬ ߸ ߊߟߎ߬ ߓߍ߯ ߢߊ ߏ߬ ߡߊ߬، ߞߊ߬ ߕߊ߬ߡߌ߲߬ ߛߎ߲ߞߎ߲ ߝߍ߬ ߞߊ߬ ߡߊ߰ߙߌ ߟߊߛߐ߬ߘߐ߲߫ ߞߊ߬ߣߌ߲߬. ߟߊߒߡߊ ߘߐ߫ ߕߎ߲߯ ߤߊߟߵߊ߲ ߓߊ߯ ߞߵߊ߲ ߠߊ߫ ߝߎ߬ߙߋ ߟߎ߫ ߓߙߎ߬ ߟߊ߫ ߸ ߊ߲ ߧߴߊ߬ߟߎ߬ ߢߊߕߟߌߡߌ߲߫ ߠߊ߫ ߞߊ߯ߓߊ߫ ߝߊ߲߭ ߠߋ߬ ߡߊ߬ ߸ ߊ߲ ߓߊ߯ ߞߍ߫ ߕߊ߬ߥߊߝߎ ߞߍ߫ ߊ߲ ߧߴߏ߬ ߞߍ߫ ߟߴߊ߬ߟߌ߬ߞߊ߯ߓߊ߫ ߝߊ߲߭ ߟߋ߬ ߡߊ߬ ߸ ߊ߲ ߓߊ߯ ߞߴߊ߲ ߠߊ߫ ߕߌ߲ߓߌߘߌ߲ߘߊ ߟߎ߫ ߟߐ߬ ߟߊ߫ ߸ ߊ߲ ߢߊ ߟߊߓߍ߲߬ ߠߴߊ߬ߟߌ߬ߞߊ߯ߓߊ߫ ߟߋ߬ ߡߊ߬. ߐ߲ ߸ ߦߊ߯ߟߊ߫ ߦߏ߫ ߊ߬ ߝߐߣߍ߲߫ ߢߊ ߡߍ߲ ߡߊ߬ ߸ ߊ߬ߟߌ߬ߞߊ߯ߓߊ߫ ߖߏ߭ ߟߋ߬ ߓߊ߬ ߖߏ߬ ߕߍ߫ ؟ ߸ ߢߌ߬ߣߌ߲߬ߞߊ߬ߟߌ߬ ߕߏ߲ߘߋ߲ ߟߴߏ߬ ߘߌ߫ ߓߍ߯ ߦߴߊ߬ ߤߊ߲ߞߟߌ ߖߊ߯ߓߐ߫ ߟߊ߫ ߡߍ߲ ߡߊ߬. ߊ߲ ߧߋ߫ ߢߊߝߐߟߌ ߣߌ߲߬ ߞߍ߫ ߟߴߊ߲ ߓߊߘߋ߲ ߠߎ߬ ߢߍ߫ ߟߋ߬ ߸ ߞߵߊ߬ ߦߌߘߊߞߵߊ߬ߟߎ߬ ߟߊ߫ ߞߏ߫ ߖߏ߭ ߕߍ߫ ߝߋ߲ߖߎ߯ ߘߌ߫ ߦߏ߫ ߊ߬ ߝߐߣߍ߲߫ ߢߊ ߡߍ߲ ߸ ߓߊ߬ߙߌ߬ ߊ߬ ߦߋ߫ ߖߏ߮ ߟߎ߬ ߟߊߢߊ߬ߝߋ߲ ߠߋ߬ ߘߌ߫ ߞߵߊ߬ߟߎ߬ ߟߊߓߘߍ߬ߦߊ߬. ߊ߬ ߓߌ߬ ߝߐߟߌ ߘߐ߫ ߸ ߕߌߙߌ߲ߠߌ߫ ߛߌߦߊߡߊ߲߫ ߓߘߊ߫ ߞߍ߫ ߘߎߢߊ߫ ߘߌ߯ߣߊ ߟߎ߬ ߓߍ߯ ߞߊ߲߬ ߸ ߣߴߌ ߘߏ߲߬ ߞߵߊ߬ߟߎ߬ ߓߍ߯ ߟߊߞߙߐ߬ߛߌ߬ ߢߐ߲߯ ߘߊ߲ߕߍ ߟߎ߬ ߣߌ߫ ߞߏ ߟߎ߬ ߓߍ߯ ߓߐߣߍ߲߫ ߢߐ߲߯ ߘߐ߫ ߸ ߌ ߘߴߊ߬ ߦߋ߫ ߊ߬ߟߎ߬ ߓߍ߯ ߛߎ߬ߘߎ߲߬ߡߊ߲߬ ߢߐ߲߯ ߠߊ߫، ߓߴߊ߬ߟߎ߬ ߓߍ߯ ߦߋ߫ ߛߎ߲ߞߎ߲ ߠߋ߬ ߘߌ߫ ߸ ߊߟߊ߫ ߞߊ߬ ߛߎ߲ߞߎ߲ ߘߊ߲߫ ߠߋ߬ ߛߴߊ߲ ߘߴߊ߬ߟߎ߫ ߓߣߐ߬ߓߐ߬. ߊ߬ ߦߋ߫ ߢߊ ߏ߬ ߟߋ ߡߊ߬ ߓߊߏ߬ ߤߊߟߌ߬ ߟߐ߲ߞߏ ߦߴߊ߬ߟߋ ߛߎ߲ߞߎ߲ ߞߋߟߋ߲ ߢߌ߲߬ ߠߋ߬ ߘߌ߫،
ߡߐ߰ ߛߘߍߡߊ߲߫ ߠߋ߬ ߦߋ߲߬ ߡߍ߲ ߠߎ߫ ߞߊ߲߫ ߞߵߊ߬ߟߎ߬ ߡߊ߫ ߟߊ߫ ߘߌ߯ߣߊ߫ ߛߌ߫ ߟߊ߫ ߸ ߞߵߊ߬ߟߎ߬ ߟߊߣߍ߲߫ ߛߎ߲ߞߎ߲ ߠߋ߬ ߟߊ߫. ߟߐ߲ߞߏ ߘߏ߲߬ ߝߣߊ߫ ߦߋ߫ ߡߎ߲߬ ߜߘߍ߫ ߘߌ߫ ߸ ߊ߬ ߦߋ߫ ߛߎ߲ߞߎ߲ ߠߊߞߙߐ߬ߛߌ ߣߴߊ߬ ߕߌߙߌ߲ ߣߴߊ߬ ߕߣߐ߬ߓߐ ߟߋ߬ ߘߌ߫. ߢߎߡߍ ߓߐߣߍ߲߫ ߛߎ߲ߞߎ߲ ߠߋ߬ ߘߐ߫ ߸ ߜߋߟߋ߲ߜߋߟߋ߲ ߓߐߣߍ߲߫ ߛߎ߲ߞߎ߲ ߠߋ߬ ߘߐ߫ ߸ ߣߍ߱ ߣߌ߫ ߝߎ߬ߥߊ߲ ߠߎ߬ ߣߌ߫ ߛߊߣߌ߲ ߠߎ߬ ߓߍ߯ ߓߐߣߍ߲߫ ߛߎ߲ߞߎ߲ ߠߋ߬ ߘߐ߫ ߸ ߡߐ߱ ߝߊ߬ߘߌ߬ߓߊ߲ߞߎ߲ ߦߋ߫ ߛߎ߲ߞߎ߲ ߖߊ߯ߕߋ ߟߋ߬ ߘߌ߫. ߞߊ߬ ߛߎ߲ߞߎ߲ ߏ߬ ߟߊߓߘߍ߬ߦߊ߫ ߞߵߊ߬ ߟߊߥߙߎߞߌ ߏ߬ ߟߋ ߖߍ߬ߘߍ ߖߊ߯ߕߋ ߦߋ߫ ߟߐ߲ߞߏ ߘߌ߫. ߞߊߙߏ ߣߌ߫ ߕߋ߬ߟߋ ߟߎ߬ ߣߌ߫ ߟߏ߬ߟߏ ߟߎ߬ ߓߍ߯ ߦߋ߫ ߛߎ߲ߞߎ߲ ߠߋ߬ ߘߌ߫ ߸ ߡߍ߲ ߠߎ߫ ߡߊ߫ ߟߊ߫ ߝߏߦߌ߬ ߟߊ߫ ߝߏ߫ ߛߎ߲ߞߎ߲ ߘߐߙߐ߲߫ ߸ ߏ߬ ߓߍ߯ ߦߋ߫ ߊ߬ߟߋ߬ ߞߏ߫ ߞߋߟߋ߲ ߢߌ߲߬ ߠߋ߬ ߘߌ߫، ߏ߬ ߘߐ߫ ߤߊߟߌ߬ ߣߌߡߊ ߣߌ ߓߊ߯ ߓߐ߫ ߊ߬ ߘߐ߫ ߸ ߊ߬ ߝߊ߬ߘߌ߬ߓߊ߲ߞߎ߲ ߓߐߣߍ߲߫ ߛߎ߲ߞߎ߲ ߡߍ߲ ߘߐ߫ ߏ߬ ߘߌ߫ ߸ ߊ߬ ߛߊ߬ߦߌ߲߬ߕߐ߫ ߛߎ߲ߞߎ߲߫ ߞߋߟߋ߲ ߏ߬ ߟߋ߬ ߕߎ߲߯ߣߌ߲߫. ߏ߬ ߟߋ߬ ߞߏߛߐ߲߬ ߘߏ߫ ߟߎ߫ ߞߊ߲߫ ߞߏ߫ ߘߎߢߊ߫ ߘߌ߯ߣߊ ߕߐ߮ ߟߋ߬ ߞߏ߫ ߛߎ߲ߞߎ߲.
ߞߊ߬ߕߎ߲߯ ߊ߬ߟߋ ߟߋ߬ ߦߋ߫ ߞߏ ߓߍ߯ ߦߌ߬ߘߊߞߊ߬ ߟߊ߫ ߞߵߊ߬ߟߎ߬ ߟߊߜߍ߫. ߞߎߡߊ ߢߌ߲߬ ߠߎ߫ ߞߎ߲߭ ߕߍ߫ ߖߘߍ߬ߞߟߏ߬ߦߊ ߘߐߕߐ߰ߛߌ ߘߌ߫ ߘߋ߬ ߦߏ߫ ߘߏ߫ ߘߌ߫ ߛߴߊ߬ ߓߛߌ߬ߞߌ߬ ߟߊ߫ ߢߊ ߡߍ߲ ߸ ߓߊ߬ߙߌ߬ ߘߎߢߊ߫ ߦߋ߫ ߤߊ߲ߞߟߌ߫ ߖߊ߯ߓߐ ߟߋ߬ ߘߌ߫. ߘߌ߯ߣߊ ߞߊ߫ ߞߊ߲߫ ߠߋ߬ ߞߊ߬ ߡߐ߱ ߤߊ߲ߞߟߌ ߘߟߊߞߊ߬ ߸ ߓߊ߬ߙߌ߬ ߝߋߎ߫ ߊ߬ ߡߊ߲߫ ߞߊ߲߫ ߢߊ߫ ߛߌ߫ ߡߊ߬ ߞߊ߬ ߡߐ߱ ߤߊ߲ߞߟߌ ߟߊߜߋߘߋ߲߫. ߦߏ߫ ߞߊ߲ߘߊ߬ ߓߙߋߕߋ߫ ߛߌ߯ߙߌ߲ߞߊ ߞߵߊ߬ ߝߐ߫ ߢߊ ߡߍ߲: ߌ ߓߊ߯ ߊߟߊ߫ ߕߐ߮ ߥߙߎߘߌ߫ ߊ߲ߜ߭ߌ߬ߟߍ ߘߐ߫ ߊ߬ ߘߴߌ ߟߊߡߌ߬ߘߊ߬ ߸ ߌ ߓߴߊ߬ ߞߟߌ߫ ߝߊ߬ߙߊ߲߬ߛߌ ߘߐ߫ ߊ߬ ߘߴߌ ߖߋ߬ߓߌ߬ ߸ ߌ ߓߊ߯ ߊߟߊ߫ ߕߐ߮ ߥߙߎߘߌ߫ ߜ߭ߙߍ߬ߛߍ߬ ߞߊ߲ ߘߐ߫ ߊ߬ ߘߌ߫ ߡߌ߬ߣߊ߬ ߸ ߣߴߌ ߞߵߊ߬ ߥߙߎߘߌ߫ ߊߙߊߓߎ߫ ߞߊ߲ ߘߐ߫ ߊ߬ ߘߌ߫ ߡߌ߬ߘߊ߬ ߸ ߌ ߓߊ߯ ߊߟߊ߫ ߕߐ߮ ߥߙߎߘߌ߫ ߒߞߏ ߘߐ߫ ߊ߬ ߘߴߌ ߟߊߡߌ߬ߘߊ߬. ߤߊߟߌ߬ ߓߊ߲߬ߓߊ߮ ߓߊ߯ ߊߟߊ߫ ߕߙߊ߫ ߟߴߊ߬ ߦߋ߫ ߡߌ߬ߘߊ߬ ߟߊ߫ ߸ ߡߋ߬ߘߋ ߦߴߏ߬ ߞߍ߫ ߟߊ߫ ߸ ߓߊ ߡߐ߱ ߖߍ߬ߘߍ ߟߋ߬ ߛߎ߲ߞߎ߲ ߘߌ߫. ߏ߬ ߟߋ߬ ߞߏߛߐ߲߬ ߊߟߊ߫ ߟߊ߫ ߘߊ߲ߝߋ߲ ߠߎ߬ ߘߌߡߴߊ߬ ߦߋ߫ ߸ ߦߏ߫ ߞߏߕߍߓߊ߲߫ ߕߊ߬ߡߌ߲߬ ߘߴߏ߬ ߞߊ߲߬ ߢߊ ߡߍ߲. ߓߊ߬ߙߌ߬ ߊ߲ ߞߏ߬ߣߌ߲ ߞߊ߫ ߞߊ߲߫ ߠߋ߬ ߞߊ߬ ߒ߬ ߢߐ߲߮ ߤߊߞߍ ߡߊߕߊ߲߬
Kounadi Keita, [25.09.20 14:24]
ߞߊ߬. ߊ߲ߠߎ߬ ߒߞߏ߫ ߞߊߙߊ߲ߡߐ߮ ߟߎ߬ ߟߋ߬ ߞߊ߫ ߞߊ߲߫ ߞߊ߬ ߕߟߋ߬ߓߋ ߊߝߙߌߞߌ߬ ߟߊߞߎߣߎ߲߫ ߸ ߘߎߢߊ ߡߌ߬ߙߌ߲߬ߘߌ ߓߍ߯ ߣߴߊ߬ ߞߎߣߎ߲߫ ߕߎߡߊ ߟߋ߬. ߡߊ߲߬ߘߋ߲߫ ߛߊ߲߬ߘߊ ߞߊ߲߫ ߏ߬ ߟߋ߬ ߘߐ߫ ߞߏ߫: “ߓߍ߯ ߞߎߣߎ߲߫ ߕߎߡߊ ߦߴߌ ߟߊ߫ ߛߐ߰ߡߊ߬ߘߊ ߘߌ߫”. ߛߊ߲߬ߘߊ ߘߏ߲߬ ߣߊ߬ ߕߎ߬ߢߊ ߟߋ߬ ߝߐ߫ ߟߴߏ߬ ߘߌ߫ ߸ ߟߊߒߡߊ ߘߐ߫: ߡߍ߲ ߠߎ߫ ߞߊ߬ ߊߡߙߌߞߌ߬ ߥߎ߬ߦߊ߲߬ߞߌ߬ߟߌ ߞߍ߫ ߸ ߗ߭ߐߙߗ߭ ߥߊߛ߭ߌ߲ߕߐߣ ߣߴߊ߬ ߣߐ߬ߟߊ ߟߎ߬ ߸ ߏ߬ ߟߎ߫ ߕߘߍ߬ ߛߏ߭ ߟߋ߬ ߞߊ߲߬. ߓߊ߬ߙߌ߬ ߟߐ߲ߠߌߓߊߟߌߦߊ ߡߊ߬ ߸ ߊ߲ߠߎ߬ ߝߘߊ߬ߝߌ߲ ߠߎ߬ ߦߋ߫ ߕߏ߫ ߟߴߊ߬ ߝߐ߫ ߛߐ߲߬ ߞߏ߫ ߝߘߊ߬ߝߌ߲߬ߠߊ ߕߍ߫ ߛߋ߫ ߞߏ ߺ ߏ ߺ ߞߏ߫ ߞߍ߫ ߟߊ߫ ߥߙߎߞߌ ߘߐ߫ ߡߎߣߎ߲߬ ߞߊ߬ ߞߐ߲ߞߐ ߕߏ߫ ߊ߲ ߠߊ߫ ߸ ߏ߬ ߘߐ߫ ߞߏ߫ ߝߏ߫ ߊ߲ ߧߴߊ߲ ߝߊ߫ ߡߎߣߎ߲߬ ߞߐߟߌߦߐ߫ ߣߴߊ߲ ߘߌߣߊ߬ߕߏ߫ ߓߊ߯ߙߊ߫ ߞߟߏߡߊ ߟߎ߬ ߞߍ߫ߟߴߏ߬ ߞߐ߫ ߛߊ߫. ߘߎߢߊ߫ ߖߡߊ߬ߣߊ ߕߐ߭ ߟߎ߫ ߡߌ߬ߙߌ߲߬ߘߌ ߟߎ߬ ߟߋ߬ ߘߏ߲߬ ߞߐ߲ߞߕߐ ߞߵߊ߬ߟߎ߬ ߟߊ߫ ߥߙߎߞߌ ߓߊ߯ߙߊ ߟߎ߬ ߞߍ߫. ߊߡߙߌߞߌ߬ ߣߌ߫ ߝߊ߬ߙߊ߲߬ߛߌ߫ ߣߌ߫ ߛ߭ߌߣߌ߬ ߟߎ߬ ߛߌ߰ߣߍ߲߫ ߓߊ߯߯ߙߊ ߺ ߊ ߺ ߡߊ߬ ߓߌ߬ ߸ ߞߐ߲ߞߐ ߕߘߍ߬ ߊ߬ߟߎ߬ ߟߊ߫ ߕߎ߬ߡߊ ߡߍ߲ ߠߊ߫ ߞߵߊ߬ ߕߘߍ߬ ߊ߬ߟߎ߬ ߦߋ߫ ߛߊ߬ ߟߊ߫ ߘߐ߱ ߕߍߡߊ߬ ߸ ߊ߬ߟߎ߫ ߞߵߊ߬ߟߎ߬ ߟߊ߫ ߥߙߎߞߌ ߓߊ߯ߙߊ ߞߍ߫ ߥߊ߯ߕߌ ߏ߬ ߘߐ߫. ߣߌߦߐߙߞ ߣߌ߫ ߔߊ߬ߙߌ ߘߎ߬ߞߘߐ߬ ߡߋߕߙߏ ߟߎ߬ ߓߍ߯ ߛߋ߲߬ ߘߊ߫ ߔߌߞߊߛߌ ߟߋ߬ ߘߌ߫ ߸ ߊ߬ ߛߌ߫ ߡߊ߫ ߛߋ߲߬ ߡߊ߲߬ߛߌ߬ߣߌ߲߬ ߠߊ߫ ߸ ߒ ߧߴߏ߬ ߝߐ߫ ߟߴߊߟߎ߫ ߢߍ߫ ߓߌ߬ ߸ ߏ߬ ߕߎ߬ߡߊ ߕߙߏ߬ߞߏ߬ ߞߏ ߡߊ߫ ߝߊ߲߬ߞߊ ߛߐ߬ߘߐ߲߬. ߓߊ߬ߙߵߌ ߦߴߊ߬ ߡߍ߲ ߠߴߊ߲ߠߎ߬ ߝߘߊ߬ߝߌ߲ ߠߎ߬ ߟߋ߬ ߟߊ߫ ߞߏ߫ ߝߏ߫ ߊ߲ ߓߊ߯ ߝߊ߫ ߝߟߐ߫ ߡߎߣߎ߲߬، ߕߎ߬ߓߊ߬ߓߎ ߟߎ߬ ߟߊ߫ ߡߊ߬ߣߍ߲߰ߠߌ߲ ߞߊ߲ ߠߴߏ߬ ߘߌ߫، ߕߎ߬ߓߊ߬ߓߎ ߏ߬ ߟߎ߫ ߞߵߊ߬ ߟߐ߲߫ ߛߋߚߋ߫ ߞߏ߫ ߞߐ߲ߞߕߐ ߟߎ߬ ߟߋ ߞߊ߬ ߖߡߊ߬ߣߊ ߓߍ߯ ߓߊ߯ߙߊ߫. ߡߋ߬ߘߋ ߞߏߛߐ߲߬ ߊ߲ߠߎ߬ ߝߣߊ߫ ߞߐ߲ߞߕߐ ߕߍ߫ ߛߋ߫ ߓߊ߯ߙߊ߫ ߟߊ߫ ߞߵߊ߲ ߘߋ߲ ߠߎ߬ ߣߴߊ߲ ߡߊ߬ߡߊ߬ߙߋ߲ ߠߎ߬ ߢߍߛߌ߰ ؟؟؟ ߸ ߢߌ߲߬ ߠߎ߬ ߦߋ߫ ߥߘߋ߬ߥߘߋ߬ߟߌ߬ߖߎ߮ ߟߎ߬ ߟߋ߬ ߘߌ߫ ߸ ߤߊ߲ߞߟߌߡߊ߫ ߡߊ߲߫ ߞߵߊ߬ ߓߟߏߘߏ߲߬ ߡߍ߲ ߞߘߐ߫ ߸ ߊ߲ ߧߋ߫ ߡߙߌߛߎ ߝߛߊߙߌ ߏ߬ ߓߟߊߞߊ߬ ߕߋ߲߬.
ߊ߲ ߞߊ߫ ߞߊ߲߫ ߞߊ߬ ߝߍ߬ߙߍ ߓߍ߯ ߞߍ߫ ߛߌߛߊ߲߬ ߞߊ߬ ߡߐ߱ ߟߎ߬ ߟߊߞߎߣߎ߲߫ ߸ ߘߌߣߊ ߡߍ߲ ߦߋ߫ ߣߌ߲߬ ߸ ߊ߬ ߞߊ߫ ߢߌ߲߬ߓߊ ߟߋ߬ ߸ ߓߊ߬ߙߌ߬ ߊ߬ ߦߋ߫ ߡߐ߱ ߣߴߊ߬ ߡߊ߰ߙߌ ߟߋ߬ ߕߍ߫ ߣߊߟߌ߬ߡߎ߲߫ ߛߎ߲ߞߎ߲ ߡߊ߰ߙߌ ߘߌ߫ ߸ ߊ߬ ߘߏ߲߬ ߦߋ߫ ߊߘߡߊߘߋ߲ ߖߏ߮ ߟߊߓߘߍ߬ߦߊ߬ ߟߊ߫ ߟߋ߬ ߞߵߊ߬ ߟߊߢߊ߬. ߓߊ߬ߙߌ߬ ߊ߲ ߞߊ߫ ߞߊ߲߫ ߠߋ߬ ߞߵߊ߬ ߣߌ߫ ߓߊ߯ߙߊ ߟߋ߬ ߜߙߊ߬ ߞߋߟߋ߲ߘߌ߫ ߸ ߣߴߊ߲ ߞߵߏ߬ ߞߍ߫ ߸ ߊ߲ ߘߌ߫ ߛߋ߫ ߞߏ߫ ߛߌߦߊߡߊ߲߫ ߠߊ߫ ߏ߬ ߘߐ߫. ߣߴߊ߲ ߞߊ߬ ߟߊߒߡߊ ߕߊ߬ ߋߙߐߔߑߞߊ ߟߎ߫ ߡߊ߬ ߸ ߏ߬ ߟߎ߫ ߞߊ߬ ߛߊ߲߬ ߥߊ߯ ߞߋߟߋ߲߫ (߁߀߀߀) ߠߋ߬ ߞߍ߫ ߊ߬ߟߎ߬ ߦߋ߫ ߘߌ߯ߣߊߡߐ߮ ߟߎ߬ ߕߊ߫ ߓߟߏ߫ ߡߊ߬ ߸ ߋߙߐߔߑߞߊ ߟߎ߫ ߞߊ߬ ߘߊ߲߬ߠߊ߬ߕߊߡߌ߲ ߡߍ߲ ߠߎ߫ ߞߍ߫ ߘߌ߯ߣߊ߫ ߞߏ ߘߐ߫ ߸ ߊߙߊߓߎ ߟߎ߬ ߕߍ߫ ߛߴߊ߬ߟߎ߫ ߛߋ߲߬ߞߘߎ ߟߴߏ߬ ߘߐ߫ ߸ ߓߴߊ߲ ߧߋ߫ ߊߙߊߓߎ ߟߎ߫ ߟߋ߬ ߦߋ߫ ߟߊ߫ ߓߌ߬ ߸ ߓߊ߬ߙߌ߬ ߋߙߐߔߑߞߊ ߟߎ߫ ߞߊ߬ ߞߏߘߐߖߊ ߡߍ߲ ߠߎ߫ ߞߍ߫ ߘߌ߯ߣߊ߫ ߞߏ ߘߐ߫ ߸ ߓߊ ߛߊ߲߬ ߁߀߀߀ ߞߎ߲߬ߕߊ߮ ߡߎ߰ߡߍ ߞߘߐ߫ ߊ߬ ߕߘߍ߬ ߕߍ߫ ߞߎ߲߫ ߡߐ߰ ߘߐ߫ ߞߊ߬ ߟߐ߲ߞߏ ߟߊߓߊ߯ߙߊ߫ ߸ ߏ߬ ߟߋ ߖߍ߬ߘߍ߫ ߞߵߊ߬ ߞߍ߫ ߘߏ߫ ߟߎ߫ ߞߵߊ߬ ߝߐ߫ ߞߏ߫ ߣߌ߫ ߋߙߐߔߑߞߊ ߟߎ߫ ߕߘߍ߬ ߡߊ߬ ߟߐ߲ߞߏ ߟߊߣߐ߯ ߸ ߛߊ߫ ߘߎߢߊ߫ ߓߘߊ߫ ߕߊ߬ߡߌ߲߬ ߞߊߓߋ ߣߌ߲߬ ߠߊ߫.
ߊ߬ ߝߐߢߊ߫ ߜߘߍ߫ ߘߐ߫ ߸ ߣߌ߫ ߋߙߐߔ ߘߌ߯ߣߊ߫ ߢߍߓߊ߮ ߟߎ߫ ߕߌ߲߬ ߡߊ߫ ߓߊ߬ߙߊ߲ ߟߊ߫ ߟߐ߲ߞߏ ߢߍ߫ ߸ ߛߊ߫ ߘߎߢߊ߫ ߓߘߊ߫ ߕߊ߬ߡߌ߲߬ ߞߊߓߋ ߣߌ߲߬ ߠߊ߫ ߞߛߐߞߛߐ߫. ߓߊ ߣߌ߫ ߡߍ߲ ߕߌ߲߬ ߞߊ߬ ߟߐ߲ߞߏ ߡߙߌߦߊ ߘߏ߫ ߦߌ߬ߘߊߞߊ߬ ߟߊ߫ ߏ߬ ߕߌ߰ ߕߘߍ߬ ߝߊ߰ ߟߊ߫ ߟߋ߬، ߝߊ߰ߟߌ ߏ߬ ߘߏ߲߬ ߕߍ߫ ߞߍ߫ ߟߊ߫ ߓߌ߬. ߣߴߌ ߞߵߊ߬ ߡߊߝߟߍ߫ ߋߙߐߔߑߞߊ ߟߎ߬ ߟߋ ߞߊ߬ ߘߎߢߊ߫ ߟߊߛߊ߬ߦߌ߲߬ ߞߐ߫ ߸ ߓߊ ߘߎߢߊ߫ ߛߐ߰ ߘߊ߫ ߟߐ߲ߞߏ ߟߋ߬ ߡߊ߬ ߡߌߛߌ߬ߙߊ߲߫ ߝߘߊ߬ߝߌ߲ ߠߎ߬ ߕߊ߫ ߓߟߏ߫ ߟߊ߫ ߞߊ߬ ߖߍ߲ߛߍ߲߫ ߞߊ߬ ߛߋ߫ ߜ߭ߙߍ߬ߞߌ߬ߟߊ߫ ߣߌ߫ ߙߐߡߎ߲߬ ߠߎ߬ ߓߍ߯ ߘߐ߫ ߸ ߞߐ ߘߐ߫ ߌߛߊ߫ ߘߌ߯ߣߊ ߣߊ߬ߣߍ߲ ߏ߬ ߞߊ߬ ߝߊ߲߬ߞߊ ߛߐ߬ߘߐ߲ ߡߍ߲ ߞߍ߫ ߸ ߋߙߐߔߑߞߊ ߟߎ߫ ߞߊ߬ ߟߐ߲ߞߏ ߓߍ߯ ߘߊߜߋߘߋ߲߫ ߘߌ߯ߣߊ ߕߐ߮ ߘߐ߫ ߞߵߊ߬ߟߎ߫ ߖߘߍ߬ ߟߊߢߌ߬ߣߵߊ߬ ߞߐ߫ ߝߋߎ߫ ߸ ߓߊ ߘߌ߯ߣߊ ߏ߬ ߥߟߏߛߎߟߎ߲ ߦߋ߫ ߊ߬ߟߎ߬ ߓߘߊ ߘߌ߫ ߦߋ߲߬، ߟߐ߲ߞߏ ߘߏ߲߬ ߥߟߏߛߎߟߎ߲ ߦߋ߫ ߝߘߊ߬ߝߌ߲߬ߠߊ߫ ߟߋ߬ ߘߌ߫ ߡߌߛߌ߬ߙߊ߲߬. ߛߊ߲߬ ߥߊ߯ ߞߋߟߋ߲ ߕߊ߬ߡߌ߲ ߞߐ߫ ߸ ߟߐ߲ߠߌ߲ߠߊ ߟߎ߬ ߞߊ߲߫ ߞߏ߫ ߊ߲ ߧߋ߫ ߡߍ߲ ߞߍ߫ ߟߊ߫ ߸ ߊ߲ ߧߴߊ߲ ߞߐߛߊ߬ߦߌ߲߬ ߠߊ߫ ߟߋ߬ ߛߎ߲ߞߎ߲ ߡߊ߬ ߞߊ߬ ߟߐ߲ߞߏ ߟߊߓߊ߯ߙߊ߫ ߸
ߞߏ߫ ߟߐ߲ߞߏߕߌ߯ ߝߟߐ ߡߍ߲ ߠߎ߫ ߕߊ߬ߡߌ߲߬ߣߍ߲߫ ߡߌߛߌ߬ߙߊ߲߬ ߣߌ߫ ߜ߭ߙߍ߬ߞߌ߬ߟߊ߫ ߟߎ߬ ߘߐ߫ ߸ ߊ߲ ߧߴߊ߲ ߞߐߛߊ߬ߦߌ߲߬ ߏ߬ ߟߎ߬ ߟߊ߫ ߓߊ߯ߙߊ ߡߊ߬ ߟߋ߬ ߕߘߋ߫، ߞߏ߬ߣߌ߲߬ ߊ߬ߟߎ߫ ߓߍ߲߬ ߘߴߊ߬ ߡߊ߬ ߞߏ߫ ߞߊ߬ ߟߐ߲ߞߏ ߢߊߞߎߘߦߊ߫ ߣߌ߲߬ߛߋ߲ ߸ ߊ߰ ߝߐ߫ ߟߊ߫ ߟߐ߲ߞߏ ߢߊߞߎߘߦߊߟߌ ߏ߬ ߟߋ߬ ߡߊ߬ ߝߊ߬ߙߊ߲߬ߛߌ߬ ߞߊ߲ ߘߐ߫ ߞߏ߫ (ߙߣߋߛߊ߲ߛ ߛߌߦߊ߲ߛߝߌߞ). ߞߊ߬ߦߌ߯ ߟߐ߲ߞߏ ߞߵߊ߬ ߛߋ߲߭ ߕߊ߬ ߢߊߞߎߘߦߊߟߌ ߏ߬ ߘߐ߫ ߸ ߊ߲ ߧߴߏ߬ ߟߋ߬ ߞߐߝߟߌ ߕߐ߬ߣߐ ߘߐ߫ ߕߋ߲߭ߕߋ߲߬. ߓߴߊ߲ ߓߍ߯ ߦߋ߫ ߖߌ߬ߦߊ߬ߞߊ߲ ߠߎ߬ ߡߊߝߟߍ߫ ߟߊ߫ ߸ ߊ߲ ߧߋ߫ ߜߋߟߋ߲ߜߋߟߋ߲ ߠߎ߬ ߟߊߓߊ߯ߙߊ߫ ߟߊ߫ ߸ ߊ߲ ߧߋ߫ ߓߟߐߟߐ ߟߎ߬ ߟߊߓߊ߯ߙߊ߫ ߟߊ߫. ߏ߬ ߟߋ߬ ߞߏߛߐ߲߬ ߸ ߊ߬ߟߎ߫ ߞߊ߬ ߥߎ߬ߦߊ߲߬ߞߌ߬ߟߌ ߞߍ߫ ߸ ߞߏ߫ ߞߊ߬ ߘߌ߯ߣߊ ߣߌ߫ ߖߡߊ߬ߣߊ ߡߊߡߙߊ߬ߢߊ ߝߘߊ߫ ߢߐ߲߯ ߠߊ߫ ߸ ߡߊ߬ߡߙߊ߬ߢߊ ߏ߬ ߟߋ ߓߘߍ߬ߓߘߍ߬ߟߌ ߘߌ ߒߞߏ ߘߐ߫. ߓߍ߯ ߦߴߊ߬ ߟߊ߫ ߘߌ߯ߣߊ߫ ߞߴߊ߬ ߞߏߟߊ߫ ߸ ߓߊ߬ߙߌ߬ ߞߵߊ߬ ߛߋ߲߬ߓߐ߫ ߝߘߏ߬ߓߊ߬ ߞߏ ߟߎ߬ ߟߋ߬ ߘߐ߫ ߸ ߏ߬ ߞߍ ߒߞߘߐ߫ ߋߙߐߔ ߞߵߊ߬ ߖߍ߬ߘߍ߫ ߛߐ߬ߘߐ߲߬.
ߣߌ߫ ߡߐ߰ ߘߴߊ߬ ߟߊߓߐ߫ ߞߎߡߊ ߝߍ߬ ߸ ߣߴߌ ߘߏ߲߬ ߞߵߊ߲ ߝߣߊ߫ ߟߊ߫ ߓߊ߯ߙߊ߫ ߞߍߢߊ ߡߊߝߟߍ߫ ߸ ߓߊߏ߬ ߟߐ߲ߞߏ ߞߊ߲߫ ߠߋ߬ ߞߏ߫ ߞߊ߬ ߞߏ ߓߍ߯ ߢߊߢߌߣߌ߲߫ ߞߵߊ߬ߟߎ߫ ߛߥߊ߬ߓߊ ߛߐ߬ߘߐ߲߬. ߘߌ߯ߣߊ ߘߏ߲߬ ߞߊ߲߫ ߠߋ߬ ߞߴߌ ߦߋ߫ ߟߊ߫ ߞߏ ߘߏ߲߰ߣߍ߲ ߟߊ߫ ߌ ߘߏ߲߬ ߞߊߣߵߊ߬ ߡߊߛߐ߬ߛߐ߬. ߏ߬ ߞߘߐ ߟߋ߬ ߣߌ߫ ߝߊ߲߬ߞߊ ߘߌ߫ ߘߊ߫ ߘߌ߯ߣߊ ߡߊ߬ ߓߊߞߍ߫ ߸ ߓߊߏ߬ ߘߌ߯ߣߊ ߦߋ߫ ߝߊ߲߬ ߂ ߟߋ߬: ߓߊ߬ߕߏ߬ ߡߊ߬ߝߊ߲ ߣߌ߫ ߟߐ߲ߞߏ߫ ߡߊߝߊ߲ ߸ ߛߌ߬ߟߊ߬ߡߊ ߟߎ߫ ߝߊ߲߭ ߞߊ߬ ߝߌ߬ߟߌ ߘ
Kounadi Keita, [25.09.20 14:24]
ߏ߫ ߟߋ߬ ߞߍ߫ ߸ ߓߊߏ߬ ߓߍ߯ ߞߵߊ߬ ߟߐ߲߫ ߞߏ߫ ߊߙߊߓߎ ߟߎ߬ ߝߣߊ߫ ߕߘߍ߬ ߋߙߐߔ ߢߍ߫ ߟߐ߲ߞߏ ߘߐ߫ ߟߋ߬ ߔߊߣߊ߲ߎ߲߫ ߸ ߞߊ߬ߡߊߛߐ߬ߘߐ߲߬ ߞߋߟߊ ߞߊ߬ ߟߐ߲ߠߌ߲ߠߊ ߁ ߠߊߝߌ߬ߛߊ߬ߦߊ߫ ߓߊ߬ߕߏ߬ߞߍ߬ߟߊ߫ ߁߀߀߀ ߘߌ߫. ߊ߲ ߓߍ߯ ߞߵߏ߬ ߘߐߞߊ߬ߙߊ߲߬ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߟߊ߫ ߞߊ߬ߝߊ ߟߎ߬ ߘߐ߫. ߛߙߊ߬ߣߎ߲ ߏ߬ ߢߊߦߋ ߊߙߊߓߎ ߟߎ߬ ߓߟߏ߫ ߸ ߏ߬ ߟߋ ߞߵߊ߬ ߞߍ߫ ߝߊ߯ߘߐߞߍ߫ ߟߏ߯ߟߎ߫ ߡߍ߲ ߠߎ߫ ߕߎ߲߰ ߘߊ߫ ߞߋߟߊ ߛߏߡߊߦߟߍߡߊ߲ ߠߊ߫ ߸ ߊߙߊߓߎ ߟߎ߫ ߞߊ߬ ߘߎߢߊ߫ ߓߍ߯ ߘߊ߲߬ ߟߐ߲ߞߏ ߟߊߓߊ߯ߙߊ ߘߐ߫ ߸ ߓߊ ߕߎ߬ߡߊ ߏ߬ ߞߎ߲߬ߕߊ߮ ߞߘߐ߫ ߸ ߛߙߊ߬ߣߎ߲ ߣߌ߲߬ ߕߘߍ߬ ߟߥߊߟߌ߫ ߟߴߊ߬ߟߎ߬ ߓߟߏ߫ ߗߍ߬ߡߍ ߘߐ߫ ߗߍ߬ߡߍ ߟߊ߫. ߓߊ߬ߙߌ߬ ߡߐ߰ ߛߌߦߊߡߊ߲߫ ߡߊ߫ ߛߌ߬ߟߡߊ߬ߦߊ ߕߎ߬ߜߍ߬ߕߎ߬ߜߍ߬ߢߊ ߘߐ߬ߝߐ ߖߊ߯ߕߋ ߟߋ߬ ߟߐ߲߫ ߸ ߊ߬ ߘߌ߯ߣߊ ߢߊߝߐ ߏ߬ ߦߋ߲߬ ߸ ߓߊ߬ߙߌ߬ ߛߌ߬ߟߡߊ߬ߦߊ ߖߘߍ߬ߞߊߣߌ߲ ߓߟߏߦߊߟߌ ߕߎ߬ߜߍ߬ߕߎ߬ߜߎ߬ߣߍ߲߫ ߠߋ߬ ߤߊ߲߯ ߞߊ߬ ߛߋ߫ ߓߌ߬ ߡߊ߬ ߸ ߡߐ߰ ߛߌߦߊߡߊ߲߫ ߠߋ߬ ߡߴߊ߬ ߘߐߘߏ߲߬ ߦߌߟߊ ߏ߬ ߟߊ߫ ߸ ߌ ߓߴߌ ߘߐߘߏ߲߬ ߦߌߟߊ ߏ߬ ߟߊ߫ ߌ ߘߴߊ߬ ߦߋ߫ ߝߊ߯ߘߐߞߍ ߛߊ߬ߓߊ ߡߍ߲ ߠߎ߫ ߕߎ߲߰ ߘߊ߫ ߞߋߟߊ ߟߊ߫ ߸ ߊ߬ ߕߘߍ߬ ߦߋߟߋ߲ߧߊ ߟߋ߬ ߘߌ߫ ߥߎ߬ߛߎ ߏ߬ ߞߎ߲߬ߕߊ߮ ߞߘߐ߫. ߊߙߊߓߎ ߟߎ߫ ߟߋ߬ ߞߊ߬ ߥߙߎߞߌ ߟߊߘߏ߲߬ ߛߊ߲ߡߊߛߓߍ ߣߌ߫ ߛߏ߲߯ߓߊߟߌ ߟߎ߬ ߓߍ߯ ߘߐ߫ ߸ ߊ߬ߟߎ߫ ߕߘߍ߬ ߢߍߝߍ߬ ߞߛߐߞߛߐ߫.
ߤߊߟߌ߬ ߋߙߐߔߑߞߊ ߟߎ߬ ߦߋ߫ ߖߊ߬ߘߋ߬ߘߋ߲ ߡߍ߲ ߠߎ߬ ߦߋ߫ ߠߊߓߊ߯ߙߊ߫ ߟߊ߫ ߣߌ߲߬ ߸ ߞߏ߬ߞߏ߫ ߊߙߊߓߎ ߟߎ߬ ߕߊ ߟߋ߬ ߏ߬ ߟߎ߬ ߘߌ߫. ߊ߰ ߡߐ߰ ߛߌߦߊߡߊ߲߫ ߢߣߊ߫ ߞߏ߫ ߋߙߐߔ ߕߊ ߟߋ߬ ߸ ߋߙߐߔ ߕߊ߫ ߕߴߏ߬ ߘߌ߫ ߘߋ߬ ߸ ߊ߬ߟߎ߬ ߕߊ ߦߋ߫ ߡߍ߲ ߘߌ߫ ߸ ߏ߬ ߟߋ߬ ߙߐߡߎ߲߬ ߖߊ߬ߕߋ߬ߘߋ߲߬ ߞߘߐ߬ߓߊ ߘߌ߫ ߸ ߊ߰ ߝߐ߫ ߟߊ߫ ߡߍ߲ ߡߊ߬ ߞߏ߫ ߛ߭ߌߝߙߎ߫ ߙߏߡߍ. ߏ߬ ߟߋ߬ ߦߋ߫ ߞߍ߫ ߟߊ߫ ߝߟߐ߫ ߕߎ߬ߡߊ߬ߟߊ߲߬ ߞߘߐ߬ߓߊ ߘߏ߫ ߟߎ߫ ߞߊ߲߬ ߏ߬ ߘߌ߫ ߤߊߟߌ߬ ߖߊ߬ߕߋ߬ߟߌ߫ ߕߴߛߋ߫ ߞߍ߫ ߟߴߊ߬ ߘߐ߫. ߞߛߌ߬ߞߛߊ ߡߊ߬ ߸ ߊߙߊߓߎ ߟߎ߫ ߞߵߊ߬ߟߎ߫ ߖߘߍ߬ ߞߊ߬ߣߌ߲߬ ߖߊߕߋߘߋ߲ ߏ߬ ߟߊߕߏ߫ ߘߏߦߌ߲߫ ߞߵߊ߬ߟߎ߬ ߣߙߊ߫ ߤߌ߲ߘߌ ߟߎ߬ ߟߊ߫ ߖߊ߬ߕߋ߬ߘߋ߲ ߡߊ߬. ߏ߬ ߞߍ ߸ ߋߙߐߔ ߝߣߊ߫ ߞߵߊ߬ߟߎ߬ ߞߝߊ߫ ߊߙߊߓߎ ߕߊ ߏ߬ ߞߎ߲߬ߠߊ߬ ߤߊ߲߯ ߓߍ߯ ߓߘߴߏ߬ ߖߊ߬ߕߋ߬ ߋߙߐߔ ߕߊ߫ ߘߌ߫ ߓߌ߬. ߞߵߊ߬ ߞߍ߫ ߖߋ߬ߟߌ߬ ߓߊߓߊ߬ ߛߌ߬ߛߐ߯ ߟߊ߫ ߞߎߡߊ ߘߌ߫ ߸ ߏ߬ ߡߍ߲ ߕߘߍ߬ ߞߎߡߊ߫ ߟߊ߫ ߡߊ߬ߟߌ߫ ߞߊ߲ߓߍ߲ ߞߎߡߊߓߏ߲ ߝߊ߬ߛߏ߬ߟߊ߬ߞߊ ߟߊ߫ ߞߐ߬ߟߏ߲ ߠߎ߬ ߛߎ ߘߐ߫ ߛߐ߲߬ (ߊ.ߘ) ߊ߬ ߞߵߊ߬ ߝߏ߫ ߟߏ߲߫ ߘߏ߫ ߞߏ߫: (ߡߊߣߌ߬ ߝߛߊ߫ ߸ ߥߊ߬ ߡߊߣߌ߬ ߤߟߊߟߊ߬) ߸ ߊ߬ ߞߊ߲߫ ߞߏ߫ ߊ߬ߟߋ ߟߊ߫ ߊߙߊߓߎ߫ ߞߊ߲ ߞߎ߲߬ߘߐߕߍ߰ߣߍ߲ ߞߴߏ߬ ߞߘߐ ߟߋ߬: ߞߴߌ ߓߴߌ ߝߛߊ߬ ߥߊߟߌߝߋ߲ ߡߊ߬ ߝߘߌߝߘߌ߫ ߸ ߊ߰ ߞߍ߫ ߟߴߌ ߕߊ ߟߋ߬ ߘߌ߫. ߓߊ߬ߙߌ߬ ߛߌߛߍ߲߬ ߊ߬ ߘߋ߲ߞߍ ߦߴߊ߬ ߣߐ߭ ߘߐ߫ ߜߏ߬ߟߏ ߞߊ߲߬ ߸ ߊ߬ ߘߏ߲߬ ߓߘߊ߫ ߞߴߊ߬ ߝߊ߬ ߘߌ߫ ߝߋߎ߫.ߞߎߡߊ ߞߵߊ߲ ߕߘߍ߬ ߦߋ߲߬ ߠߋ߬. ߏ߬ ߘߐ߫ ߖߊ߬ߕߋ߬ߘߋ߲ ߡߍ߲ ߠߎ߫ ߦߋ߫ ߞߎ߬ߙߊ߬ߣߊ ߟߎ߬ ߞߣߐ ߛߌߛߍ߲߬ ߊ߬ߟߎ߫ ߟߊ߬ߝߊߙߌ ߟߎ߬ ߘߊ߲߬ߕߍ߰ߓߐ ߣߴߊ߬ߟߎ߫ ߦߌ߬ߘߊ߬ ߞߊ߲ ߡߊ߬ ߸ ߊߙߊߓߎ ߟߎ߬ ߕߊ߫ ߕߴߏ߬ ߘߌ߫ ߘߋ߬ ߸ ߤߌ߲ߘߌ ߟߎ߬ ߟߋ߬ ߕߊ߫ ߦߴߏ߬ ߟߎ߬ ߘߌ߫. ߊ߰ ߕߋ߲߬ ߠߋ߬ ߸ ߌ ߓߴߌ ߕߊ߫ ߢߌ߬ߡߊ ߓߌ߬ߟߊ߬ ߸ ߘߏ߫ ߘߴߏ߬ ߕߊ߬. ߡߊ߲߬ߘߋ߲߫ ߛߊ߬ߘߊ ߦߴߊ߬ ߝߐ߫ ߟߴߏ߬ ߟߋ߬ ߛߎ߮ ߡߊ߬ ߞߏ߫ ” ߌ ߓߴߌ ߟߊ߫ ߥߟߎ߬ߖߎ߮ ߝߊ߰ ߘߏ߫ ߕߊ߫ ߢߌ߬ߡߊ߬ ߘߴߌ ߞߌ߲߫”.
ߡߋ߬ߘߋ ߣߐ߬ ߛߌ߬ߟߡߊ߬ߦߊ ߣߌ߫ ߊߙߊߓߎ ߟߎ߬ ߛߐ߬ߘߐ߲߬ ߠߊ߫ ߣߌ߲߬ ߢߊ ؟ ߸ ߞߊ߬ߦߌ߯ ߛߌ߬ߟߡߊ߬ߦߊ ߛߐ߰ߡߊ߬ߘߊ ߸ ߓߏߟߏ߲߫ ߝߌ߬ߟߊ ߟߋ߬ ߕߘߍ߬ ߸ ߡߍ߲ ߠߎ߫ ߞߊ߲߫ ߞߏ߫ ߞߊ߬ ߓߊ߬ߕߏ ߘߐߙߐ߲߫ ߘߐߖߊ߬ ߸ ߊ߬ ߣߌ߫ ߡߍ߲ ߠߎ߬ ߞߊ߲߫ ߞߏ߫ ߞߊ߬ ߘߌ߯ߣߊ ߣߌ߫ ߟߐ߲ߞߏ ߜߙߊ߬ ߞߵߊߟߎ߬ ߘߐߖߊ߬ ߞߋߟߋ߲ߘߌ߫ ߸ ߛߌ߰ ߝߌ߬ߟߊ ߏ߬ ߟߎ߬ ߕߏ߫ ߘߊ߫ ߘߊߘߐߖߊߥߏ ߞߊ߲ ߝߎߺߚߺߎ߫ ߤߊ߯ ߡߍ߲ ߠߎ߫ ߞߊ߲߫ ߞߏ߫ ߊ߬ ߦߋ߫ ߕߏ߫ ߓߊ߬ߕߏ ߘߐߙߐ߲߫ ߡߊ߬ ߏ߬ ߟߎ߬ ߕߏ߫ ߘߊ߫ ߝߊ߲߬ߞߊ ߛߐ߬ߘߐ߲߬ ߠߊ߫ ߝߏ߫ ߞߣߊ߬ ߛߌ߬ߟߡߊ߬ߦߊ ߛߋ߫ ߊ߲ߠߎ߬ ߞߐߟߊߡߐ߮ ߟߎ߫ ߡߊ߬ ߓߊ߬ߕߏ߬ ߝߊߘߌ ߏ߬ ߟߋ߬ ߘߐ߫. ߝߊ߯ߘߐߞߍ߫ ߁߈߲ ߦߋ߫ ߛߋ߫ ߟߊ߫ ߕߎ߬ߡߊ ߡߍ߲ ߸ ߌߓߣߎ߬ ߥߊ߬ߤߊߓߎ߬ ߕߋ߬ߟߋ ߘߐ߫ ߸ ߏ߬ ߞߵߊ߬ ߕߘߍ߬ ߝߊߦߌߘߊ߫ ߓߊ߬ߕߏ ߓߘߊ߫ ߓߊ߲߫ ߝߊ߲߬ߞߊ ߛߐ߬ߘߐ߲߬ ߠߊ߫ ߞߊ߬ ߟߐ߲ߞߏ ߞߍ߫ ߓߟߏߞߕߐߡߊ ߘߌ߫. ߕߎ߬ߡߊ߬ ߞߋߟߋ߲ ߟߊ߫ ߋߙߐߔ ߞߵߊ߬ ߓߟߏߞߍ߫ ߟߐ߲ߞߏ ߘߐ߫ ߟߋ߬ ߜߘߋߜߘߋ߫ ߸ ߏ߬ ߟߋ߬ ߞߵߊ߬ ߞߍ߫ ߋߙߐߔ ߕߊ߯ ߘߊ߫ ߢߍ߫ ߞߊ߬ ߊߙߊߓߎ ߕߏ߫ ߞߛߐߞߛߐ߫. ߤߊߟߌ߬ ߓߌ߬ ߡߎߣߎ߲߬ ߊߙߊߓߎ ߟߎ߬ ߦߋ߫ ߞߐߓߊ߯ߦߊ ߏ߬ ߟߋ߬ ߟߊ߫. ߊ߲ ߧߋ߫ ߣߌ߲߬ ߓߍ߯ ߢߊߝߐ߫ ߟߊߥߟߌ߬ ߟߊ߫ ߟߋ߬ ߥߟߊߞߏ߫ ߊ߲ ߝߣߊ߫ ߦߋ߫ ߤߊ߲ߞߟߌ ߛߐ߬ߘߐ߲߬ ߸ ߡߌ߬ߙߌ߲߬ߘߌ ߡߍ߲ ߠߎ߫ ߞߐ߲߬ ߘߴߊ߲ ߢߍ߫ ߏ߬ ߟߎ߫ ߞߊ߬ ߝߎ߬ߕߎ߲߬ߕߌ ߡߍ߲ ߠߎ߫ ߞߍ߫ ߞߵߊ߬ߟߎ߫ ߖߍ߬ߘߍ ߓߌ߬ߟߊ߬ ߝߙߋߞߋ ߘߐ߫ ߤߊߞߍߕߏ߫ ߊ߲ ߘߌ߫ ߛߋ߫ ߞߌ߬ߦߊ߬ ߟߊ߫ ߞߊ߬ ߝߙߋߞߋ ߏ߬ ߣߴߊ߬ ߟߊߡߎߣߎ߲ߧߊ ߟߎ߬ ߡߟߊ߫.
ߘߏ߫ ߟߎ߫ ߦߋ߫ ߢߌ߬ߣߌ߲߬ߞߊ߬ߟߌ ߞߍ߫ ߟߊ߫ ߛߌߛߍ߲߬ ߟߐ߲ߞߏ ߘߊߡߌ߬ߣߊ߬ ߘߊ߫ ߝߘߊ߬ߝߌ߲߬ߠߊ ߦߊ߲߬ ߡߌߛߌ߬ߙߊ߲߬ ߸ ߡߋ߬ߘߋ ߞߊ߬ ߝߘߊ߬ߝߌ߲ ߞߍ߫ ߞߐߓߊ߮ ߘߌ߫ ߟߐ߲ߞߵߏ߬ ߘߐ߫ ؟ ߸ ߕߎ߬ߢߊ ߦߋ߫ ߢߌ߬ߣߌ߲߬ߞߊ߬ߟߌ߬ߟߊ ߏ߬ ߓߟߏ߫ ߸ ߊ߬ߟߎ߫ ߘߏ߲߬ ߞߊ߫ ߞߊ߲߫ ߠߋ߬ ߞߊ߬ ߖߋ߬ߓߌ߬ ߸ ߞߊ߬ߡߊߛߐ߬ߘߐ߲߬ ߘߍ߲߰ߦߊ߬ߟߌ ߓߍ߯ ߘߊߡߌ߬ߣߊ߬ ߘߊ߫ ߣߍ߱ ߡߍ߲ ߛߘߊ ߘߐ߫ ߸ ߡߌߛߌ߬ߙߊ߲ߞߊ ߟߎ߬ ߟߋ߬ ߝߟߐ߫ ߞߍ߫ ߘߴߏ߬ ߜߎ߲߬ߘߎ ߞߊ߬ߟߊߡߊ߬ ߞߵߊ߬ ߟߊߓߊ߯ߙߊ߫ ߝߏ߫ ߞߊ߬ ߞߍ߫ ߘߎߢߊ߫ ߢߍߓߊ߮ ߘߌ߫ ߥߛߎ߬ ߖߊ߲߫ ߞߘߐ߫. ߛߓߍߛߎ߲ ߠߎ߬ ߛߎ߲ ߦߋ߫ ߡߙߌߘߐߛߙߋ ߡߍ߲ ߘߌ߫ ߸ ߡߛߌߙߊ߲ߞߊ ߟߎ߫ ߟߋ߬ ߝߟߐ߫ ߞߵߏ߬ ߛߌ߲ߘߌ߫ ߊ߬ ߦߋ߫ ߝߐ߫ ߟߊ߫ ߡߍ߲ ߞߊ߬ߣߌ߲߬ ߝߊ߬ߙߊ߲߬ߛߌ߬ ߞߊ߲ ߘߐ߫ ߤߌߟߏߜߟߏߝߌ. ߞߊ߬ ߞߐߙߐ߲ߘߌ ߞߍ߫ ߝߊߘߌߦߊߓߐ ߘߌ߫ ߣߊߟߌ߬ߡߎ߲߫ ߘߊߟߌߓߊ ߘߌ߫ ߸ ߡߛߌߙߊ߲ߞߊ ߟߎ߬ ߟߋ߬ ߝߟߐ ߞߵߏ߬ ߞߍ߫. ߊ߬ߟߎ߫ ߟߋ߬ ߝߟߐߝߟߐ߫ ߞߊ߬ ߛߊ߲߬ߥߟߊ ߟߊߘߊ߲߫ ߘߎߢߊ߫ ߘߐ߫ ߸ ߡߌߛߌ߬ߙߊ߲߫ ߛߊ߲߬ߥߟߊ ߏ߬ ߛߊ߲߬ ߆߂߅߆ ߟߋ߬ ߢߌ߬ߣߊ߲߬ ߘߌ߫ ߸ ߊ߲ߠߎ߬ ߖߍ߬ߘߍ߫ ߞߵߊ߬ ߝߌ߬ߘߊ ߞߍ߫. ߊ߬ߟߋ ߟߋ߬ ߞߊ߫ ߞߘߐ߬ ߘߎߢߊ߫ ߛߊ߲߬ߥߟߊ ߓߍ߯ ߘߌ߫ ߸ ߊ߬ߟߎ߫ ߟߋ߬ ߞߊ߬ ߟߐ߯ߕߍ ߕߟߋ߬ ߇ ߟߊ߫ ߟߊߘߊ߲߫ ߞߊ߬ ߓߊ߲߫ ߞߊ߬ ߛߊ߲߭ ߓߏߟߏ߲ ߁߂ ߓߍ߯ ߟߊߘߊ߲߫. ߞߊ߬ ߛߎ߭ ߟߊߖߵߊ߬ ߞߊߣߊ߬ ߕߏ߬ߟߌ߬ ߊ߬ߟߎ߫ ߟߋ߬ ߝߟߐ ߞߵߏ߬ ߞߍ߫. ߞߊ߬ ߞߌߙߌ߲ߓߏ߲ ߠߎ߫ ߟߐ߬ ߊ߬ߟߎ߫ ߟߋ߬ ߞߵߊ߬ ߞߍ߫. ߘߎ߰ ߛߎߡߊ ߣ
Kounadi Keita, [25.09.20 14:24]
ߌ߫ ߘߡߊ߬ߟߐ߲ ߟߎ߬ ߓߍ߯ ߘߊߡߌ߬ߘߊ߬ ߘߊ߫ ߦߋ߲߬ ߠߋ߬. ߡߋ߬ߘߋ ߣߵߊ߬ߟߎ߬ ߕߏ߫ ߟߊ߫ ߞߐ߫ ߣߌ߲߬ ߕߍ߯ ߘߐ߫ ߸ ߊ߲߬ߤߊ߲ ߸ ߊ߲ ߘߌߣߵߏ߬ ߢߊߝߐ߫ ߛߍ߲߫ ߸ ߓߊ ߝߍ߬ߝߍ߲ ߘߏ߫ ߦߋ߫ ߝߘߊ߬ߝߌ߲߬ߠߊ ߟߊ߫ ߸ ߡߐ߱ ߘߏ߲߬ ߓߊ߯ ߓߊ߲߫ ߌ ߟߊ߫ ߝߍ߭ ߘߊ߲ߘߊ߫ ߟߊ߫ ߌ ߘߌ߫ ߛߋ߫ ߥߊ߫ ߟߊ߫ ߢߍߝߍ߬ ߏ߬ ߘߐ߫ ߸ ߝߍ߭ ߏ߬ ߦߋ߫ ߡߍ߲ ߘߌ߫ ߏ߬ ߟߋ߬ ߟߐ߲ߠߌ ߘߏ߲߰ߠߌ߬ߓߊ ߘߌ߫ ߸ ߡߌߛߌ߬ߙߊ߲߫ ߞߊ߬ ߣߌ߲߬ ߓߍ߯ ߞߍ߫ ߸ ߓߊ߬ߙߌ߬ ߊ߬ߟߎ߫ ߕߎ߲߬ ߞߊ߬ ߞߙߎ ߘߏ߫ ߟߋ߬ ߛߏ߯ߙߏ߫ ߞߏ߫ ߔߙߍߕߙߌ ߟߎ߬ ߸ ߏ߬ ߟߎ߬ ߟߋ ߕߘߍ߬ ߛߓߍߟߌ ߞߍ߫ ߓߍ߯ ߞߍ߫ ߟߊ߫ ߸ ߊ߬ߟߎ߫ ߘߏ߲߬ ߡߴߊ߬ߟߎ߫ ߛߐ߲߬ ߞߊ߬ ߛߓߍߟߌ ߟߊߓߌ߬ߟߊ߬ ߸ ߊ߬ߟߎ߬ ߡߊ߫ ߞߊ߬ߙߊ߲߬ߓߏ߲ ߠߎ߫ ߟߐ߬ ߝߣߊ߫ ߟߊߞߊ߬ ߞߊ߬ ߘߋ߲ߣߍ߲ ߠߎ߬ ߞߊ߬ߙߊ߲߬ ߛߓߍߟߌ ߟߊ߫ ߦߏ߫ ߊ߬ߟߎ߬ ߟߊ߫ ߞߊ߬ߙߊ߲߬ߘߋ߲ ߜ߭ߙߍ߬ߞߌ ߟߎ߬ ߣߌ߫ ߋߙߐߔߑߞߊ ߕߐ߭ ߟߎ߫ ߞߵߊ߬ ߞߍ߫ ߢߊ ߡߍ߲ ߸ ߓߊ߬ߙߌ߬ ߡߌߛߌ߬ߙߊ߲߫ ߛߓߍߟߌ ߕߘߍ߬ ߞߙߎ ߡߍ߲ ߘߎ߲߬ߘߎ߲߬ߡߊ߬ߦߊ ߟߊ߫ ߸ ߏ߬ ߟߎ߫ ߟߋ߬ ߝߣߊ߫ ߣߌ߫ ߕߘߍ߬ ߘߌ߯ߣߊ߫ ߢߍߓߊ߮ ߟߎ߫ ߟߋ ߕߘߍ߬ ߸ ߏ߬ ߞߘߐ ߟߋ߬ ߞߏ߫ ߟߐ߲ߞߏ ߕߘߍ߬ ߦߋ߲߬ ߒ߬ߞߵߊ߬ ߕߘߍ߬ ߘߏߦߊ ߟߋ߬ ߟߊ߫ ߸ ߟߐ߲ߞߏ ߘߏ߲߬ ߓߊ߯ ߕߏ߫ ߘߏߦߊ ߟߊ߫ ߸ ߊ߰ ߣߊ߰ߛߌ߬ ߟߊ߫ ߟߋ߬. ߏ߬ ߟߊߒߡߊ߫ ߜߐߞߎ ߘߏ߫ ߟߋ߬ ߛߎߡߊߥߙߏ ߟߎ߬ ߟߊ߫ ߘߏ߫ ߛߓߍߟߌ ߘߌ߫ ߸ ߏ߬ ߕߘߍ߬ ߢߡߊߘߏ߲߰ ߠߊ߫ ߡߙ߬ߙߌ߲߬ߘߌ ߝߊ߲߬ߓߊ ߡߊ߬ ߡߍߞߍ߭ ߝߏ߫ ߊ߬ߟߎ߬ ߘߏߘߋ߲ ߠߎ߫ ߜߊ߲߬ߛߊ߲ ߸ ߛߏ߬ߛߏ߫ ߘߐ߬ߝߐ ߘߐߞߊ߬ߙߊ߲߬ ߕߎ߲߫. ߞߎߡߊ ߞߵߊ߲ ߕߘߍ߬ ߦߋ߲߬ ߠߋ߬. ߓߊ߬ߙߌ߬ ߡߛߌߙߊ߲ߞߊ ߟߎ߫ ߞߊ߬ ߜ߭ߙߍ߬ߞߌ ߡߍ߲ ߠߎ߫ ߞߊ߬ߙߊ߲߬ ߞߐ߫ ߟߊ߫ ߸ ߏ߬ ߟߎ߬ ߞߐߛߊߦߌ߲ ߥߊ߫ ߘߴߊ߬ ߞߊ߬ߙߊ߲߬ߕߊ ߟߎ߬ ߘߟߊߞߵߊ߬ߟߎ߬ ߓߘߊ ߦߋ߫ ߞߊ߬ ߟߐ߲ߞߏ ߓߌ߬ߟߵߊ߬ߟߎ߫ ߡߌ߬ߙߌ߲߬ߘߌ ߝߊ߲߬ߓߊ ߛߊ߬ߥߏ ߘߐ߫. ߟߐ߲ߠߌ ߞߏ߬ߣߌ߲ ߓߍ߯ ߡߊ߲߫ ߞߊ߲߫ ߞߊ߬ ߘߟߊߞߊ߬ ߸ ߓߊ߬ߙߍ߬ ߝߍ߬ߣߍ߲ ߏ߬ ߦߋ߫ ߊ߲ߠߎ߫ ߖߍ߬ߘߍ ߟߋ߬ ߟߊ߫. ߕߎ߬ߢߊ߬ ߡߐ߱ ߞߏ߬ߣߌ߲߬ ߕߴߛߋ߫ ߟߊ߫ ߟߐ߲ߞߏ ߘߌ߫ ߟߊ߫ ߓߍ߯ ߡߊ߬ ߢߊ ߏ߬ ߡߊ߬ ߦߋ߲߬ ߕߋ߲߬ ߸ ߓߊ߬ߙߌ߬ ߊ߬ ߞߏ߬ߣߌ߲ ߞߊ߫ ߞߊ߲߫ ߞߊ߬ ߞߍ߫ ߢߊ ߡߊ߬ ߡߍ߲ ߘߴߊ߬ ߞߍ߫ ߊ߬ ߕߍ߫ ߕߎߣߎ߲߫ ߠߊ߫. ߓߊ ߣߴߊ߬ ߕߏ߫ ߘߊ߫ ߘߏߦߊ ߟߴߊ ߘߌ߫ ߕߎߣߎ߲߫. ߝߍ߭ ߣߌ߲߬ ߠߋ߬ ߝߘߊ߬ߝߌ߲ ߠߎ߬ ߟߊ߫ ߞߐ߫ ߘߐ߫ ߛߊߓߎ ߘߏ߫ ߘߌ߫. ߡߍ߲ ߞߏ߬ߣߌ߲ ߞߊ߫ ߞߊ߲߫ ߞߊ߬ ߟߊ߫ ߣߌ߲߬ ߞߊ߲߬ ߸ ߏ߬ ߟߋ߬ ߞߏ߫ ߕߋߟߋ߲ߓߊߟߌߦߊ ߟߋ߬ ߝߊ߲߬ߞߊ ߓߍ߯ ߕߌߢߍ߫ ߟߊ߫ ߸ ߘߝߐ߬ߦߊ߬ߟߊ ߟߎ߫ ߝߊ߲߭ ߦߴߏ߬ ߞߊ߬ߟߊߡߊ߬. ߝߊ߲߬ߞߊ ߺ ߊ ߺ ߝߊ߲߬ߞߊ߫ ߓߋ߬ ߘߊ߫ ߘߎߢߊ߫ ߘߐ߫ ߸ ߕߋߟߋ߲ߓߊߟߌߦߊ ߟߋ߬ ߞߵߊ߬ ߓߍ߯ ߟߊߓߋ߬. ߐ߲߬ߤߐ߲߫ ߣߌ߫ ߛߌߛߍ߲߬ ߡߊ߲߬ߛߊ ߟߎ߬ ߝߣߊ߫ ߕߟߏ ߘߌ߫ ߘߏ߲߬ ߠߊ߫ ߞߎߡߊ ߏ߬ ߘߐ߫ ߏ߬ ߞߊ߬ ߢߌ߲߬ ߞߏߛߓߍ߫. ߣߌ߫ ߒ ߓߘߊ߫ ߛߋ߫ ߦߌߟߊ ߣߌ߲߬ ߘߐ߫ ߸ ߦߏߡߌ߬ ߓߊ߬ߘߏ ߟߋ߬ ߞߵߊ߲ ߢߐ߲߯ ߕߟߏߘߓߐ߫ ߸ ߒ ߘߌ߫ ߘߊ߲߬ ߕߋ߲߬ ߸ ߊߟߎ߫ ߣߌ߫ ߖߐ߫. ߣߝߊ߬ߖߌ߫ ߛߏ߬ߙߌ߬ ߞߐ߲ߘߍ߫ ߓߟߏ߫.
ߝߊ߬ߛߏ߬ߟߊ߲߬ߘߌ߫ ߊ߬ߟߌߦߎ߬ ߟߊ߫ ߘߕߐ߬ߡߐ߲߬ߠߌ߲ ߣߴߊ߬ ߟߊ߫ ߛߓߍߦߊߟߌ ߣߴߊ߬ ߟߊ߫ ߟߊ߬ߖߍ߲߬ߛߍ߲߬ߠߌ߲ ߠߋ߬ ߸ ߣߎߥߊߞߌߛߐߕ ߡߙߎߕߊߣߌ߫ ߖߘߍ߬ߞߟߏ߬ ߞߊ߲ߓߍ߲
